Akshay Nirmale
गोव्यातील आग्वाद हा तुरूंग एकेकाळी गोवा मुक्ती संग्रामाचे केंद्र बनला होता. स्वातंत्र्यलढ्यातील सहभागींना या तुरूंगात डांबले गेले होते. आता या तुरूंगाचे रूपांतर गोवा सरकारने म्युझियम मध्ये केले आहे.
या वस्तू संग्रहालयात गोवा मुक्ती संग्रामातील राम मनोहर लोहिया, डॉ. त्रिस्तांव ब्रागांझा कुन्हा यांसह अन्य स्वातंत्र्यसेनानींशी संबंधित वस्तू, आठवणी, शस्त्रे जतन केली आहेत.
सध्या हा तुरूंग पर्यटकांना पाहण्यासाठी नियमित खुला असतो. गोव्यातील नागरिकांना येथे प्रतीव्यक्ती 100 रूपये तिकीट आहे तर गोव्याबाहेरील नागरिकांसाठी प्रतीव्यक्ती 200 रूपये तिकीट आहे.
येथील तुरूंग पाहता येतो. तुरूंगात काही सेलमध्ये गोव्याच्या स्वातंत्र्यलढ्यात सहभागी कैद्यांचे पुतळे उभारले आहेत.
येथील अनेक कलाकृती पर्यटकांचे मन मोहून घेणाऱ्या आहेत. घंटी पासून बनवलेला बैल आणि घर आकर्षक आहेत.
येथे एक कायमस्वरूपी पेंटिंग्ज प्रदर्शनदेखील सुरू आहे. यातील अनेक कलाकृती पर्यटकांचे लक्ष वेधून घेतात.
गोव्यातील आग्वाद कारागृह हे आता पर्यटकांच्या आकर्षणाचे केंद्र बनले आहे. आग्वाद किल्ला पाहायला येणारे पर्यटक या जेलमध्येही येतात.