गोमंतक ऑनलाईन टीम
अभिनेत्री नुसरत भरूचाने नुकताच 'अकेली' या नावाचा चित्रपट स्विकारला आहे. त्यामुळे ती चर्चेत आली आहे. खरंतर या चित्रपटाची ऑफर नुसरला कोविडपुर्वीच मिळाली होती.
नुसरतने पहिल्यांदा ही फिल्म नाकारल्यानंतर निर्मात्यांनी कथेत योग्य बदल करून, पुन्हा सुधारणा करून तिसऱ्यांदा तिला स्क्रिप्ट दाखवली मग तिने हा चित्रपट स्विकारला आहे.
अकेली चित्रपटात नुसरत इराकमध्ये अडकून पडलेल्या महिलेची भूमिका साकारत आहे.
दरम्यान, नुसरत सध्या अकेली नाही. मे महिन्यात ती गायक, रॅपर हनी सिंगसोबत स्पॉट झाली होती. एका म्युझिक व्हिडिओसाठी दोघांंनी एकत्र काम केले होते. त्यानंतर दोघे काही ठिकाणी भेटले होते. त्यामुळे त्यांच्या अफेयरची चर्चा रंगली होती.
दरम्यान, अभिनेता कार्तिक आर्यनसोबतही तिचे नाव जोडले गेले होते. या दोघांनी सोनू के टिटू की स्विटी चित्रपटात एकत्र काम केले होते.
अभिनेत्री नुसरत भरूचा (Nushrratt Bharuccha) हीला इन्स्टाग्रामवर सध्या 56 लाखाहून अधिक फॉलोअर्स आहेत.
नुसरतची एकूण संपत्ती 58 कोटी रूपये असल्याचे सांगितले जाते.