Akshay Nirmale
'पठान'मधून शाहरूखचे मोठ्या पडद्यावर जोरदार पुनरागमन झाल्यानंतर आता अनेक चाहत्यांना आमीर खानच्याही पुनरागमनाचे वेध लागले आहेत.
आमीर यशराज बॅनरच्या अॅक्शन चित्रपटात दिसणार असे बोलले जात आहे. पण त्याही पेक्षा आमीरच्या आणखी एका नव्या चित्रपटाबाबत उत्सुकता निर्माण झाली आहे.
सध्या आमीरने कोणत्याही प्रकल्पाची घोषणा केलेली नाही. सध्या तो आपल्या कुटुंबासोबत वेळ घालवत आहे.
'लाल सिंग चड्ढा' या चित्रपटाच्या अपयशानंतर आमीरने काही काळ बॉलीवूडपासून ब्रेक घेतला आहे.
आता आगामी काळात आमीर बायोपिक करणार असल्याची चर्चा बी टाऊनमध्ये सुरू झाली आहे. आमीर आणि दिशेन विजान मिळून या चित्रपटाची निर्मिती करू शकतात.
देशातील हाय प्रोफाईल खटल्यांमध्ये सरकारच्या बाजुने काम पाहणाऱ्या विशेष सरकारी वकील उज्वल निकम यांचा बायोपिक आमीर खान करणार असल्याची चर्चा आहे.
1993 मुंबई बॉम्बस्फोट, 2008 च्या मुंबईवरील हल्ला या प्रकरणांमध्ये उज्वल निकम यांनी सरकारी पक्षाकडून युक्तीवाद केला होता.