Akshay Nirmale
गोव्याची राजधानी पणजीमध्ये मध्यवर्ती ठिकाणी असलेल्या झरीचे नाव आहे बोक द व्हॉक (Boca de vaca). याला गोमुख असेही म्हटले जाते.
हा नैसर्गिक पाण्याचा प्रवाह आहे. ही झर पोर्तुगीजकालीन असल्याचे सांगितले जाते.
सध्या या झरीच्या पाण्याचा वापर पिण्यासाठी केला जात नसला तरी पुर्वी येथील पाणी पिण्यासाठी वापरले जात होते. तसेच हे पाणी औषधीयुक्त असल्याचे मानले जात होते.
दिवंगत मनोहर पर्रीकर हे गोव्याचे मुख्यमंत्री असताना गोव्याचा हा अनोखा वारसा जपण्याचा प्रयत्न झाला होता. 2018 मध्ये या झरीचे सौंदर्यीकरण केले गेले होते.
या झरीच्या बोगद्यात पारदर्शक फरशा बसवल्या होत्या. त्या खालून वाहणारे पाणी दिसायचे.
जवळपास शंभर फूटांहून अधिक लांबीचा हा बोगदा असून यातून जाताना पाण्यावरून चालण्याचा अनुभव घेता येत होता.
आता या झऱीचे सौंदर्य लोपले आहे. येथील बोगद्यांमध्ये गाळ साचला आहे. येथे स्वच्छता ठेवण्याची गरज आहे.
सध्या झरीची दुरवस्था झाली आहे. नैसर्गिक पाण्याचा स्त्रोत असलेल्या झरीचे संवर्धन करण्याची गरज आहे.