Manish Jadhav
उन्हाळ्यात शरीराला थंडावा देणारे आणि पचनसंस्था मजबूत ठेवणारे आहाराचे पदार्थ खूप महत्त्वाचे असतात. काही पाने आणि पालेभाज्या पचनसंस्थेस मदत करतात आणि शरीराला आवश्यक पोषण पुरवतात. आपल्या डाएटमध्ये ही पाने समाविष्ट करावीत.
पुदिना (Mint)
तुम्ही उन्हाळ्यात पुदीनाचे सेवन केले पाहिजे. पुदिनाच्या सेवनाने पचनसंस्था सुधारते. तसेच, शरीराला थंडावा देखील मिळतो. याशिवाय, तुम्ही पुदिनाचा रस किंवा चटणी बनवून सेवन करु शकता.
कोथिंबीर शरीरातील उष्णता कमी करुन पचनास मदत करते. कोथिंबीर फायबरयुक्त असल्यामुळे बद्धकोष्ठतेसाठी फायदेशीर आहे.
उन्हाळ्यात तुम्ही दररोज तुळशीची पाने खाल्ली पाहिजेत. तुळशीच्या पानांचे दररोज सेवन केल्याने पचनक्रिया सुधारते. तुळशीच्या पानांमध्ये अँटीऑक्सिडंट्स भरपूर असल्यामुळे इम्युनिटी वाढते. तुळशीच्या पानांचा काढा किंवा चहा आरोग्यासाठी फायदेशीर ठरतो.
कढीपत्ता पचनतंत्र सुधारते आणि जड अन्न पचण्यास मदत करते. कढीपत्ता पचनाच्या तक्रारी कमी करुन शरीरातील टॉक्सिन्स बाहेर टाकतो. उन्हाळ्यात तुम्ही कढीपत्त्याचे दररोज सेवन केले पाहिजे.
पालकमध्ये फायबर आणि पचनास मदत करणारे भरपूर पोषक तत्त्वे आहेत. पालक शरीराला थंडावा देते. तुम्ही सूप, पराठा, भाजी किंवा सॅलडमध्ये पालक समाविष्ट करु शकता.