Sameer Amunekar
गुलाब जल त्वचेच्या छिद्रांमध्ये साचलेली घाण आणि जास्तीचे तेल काढून टाकण्यास मदत करते. यामुळे त्वचा स्वच्छ होते आणि नैसर्गिकरित्या चमकू लागते.
त्वचेचा नैसर्गिक ओलावा आणि पीएच पातळी संतुलित ठेवण्याचे काम गुलाब जल करते. यामुळे त्वचा जास्त तेलकट किंवा जास्त कोरडी होत नाही.
दिवसभर कामाच्या ताणामुळे त्वचा निस्तेज दिसते. अशा वेळी गुलाब जल स्प्रे केल्यास त्वचेला झटपट ओलावा मिळतो आणि चेहरा फ्रेश दिसतो.
वयाच्या चाळीशीत येणाऱ्या सुरकुत्या आणि फाईन लाईन्स कमी करण्यासाठी गुलाब जल उपयुक्त ठरते. हे त्वचेला घट्ट ठेवण्यास मदत करते.
थकलेल्या डोळ्यांवर गुलाब जलामध्ये भिजवलेले कापसाचे बोळे ठेवल्यास डोळ्यांखालील सूज कमी होते आणि काळी वर्तुळे हळूहळू नाहीशी होतात.
उन्हामुळे किंवा प्रदूषणामुळे त्वचेची जळजळ होत असल्यास, गुलाब जल लावल्याने थंडावा मिळतो. यात दाहशामक गुणधर्म असतात.
केमिकल असलेल्या रिमूव्हरपेक्षा गुलाब जल आणि खोबरेल तेलाचे मिश्रण एक उत्तम 'नॅचरल मेकअप रिमूव्हर' आहे. हे मेकअप काढताना त्वचेचे नुकसान होऊ देत नाही.