Pranali Kodre
भारत विरुद्ध ऑस्ट्रेलिया संघात 22 सप्टेंबरपासून 3 सामन्यांची वनडे मालिका सुरू होणार आहे.
ही मालिका वनडे वर्ल्डकपच्या तोंडावर होत असल्याने त्यादृष्टीनेही या मालिकेला महत्त्व प्राप्त झाले आहे.
या मालिकेसाठी ऑस्ट्रेलियाचा संघ भारतात आला असून सराव करत आहे.
ऑस्ट्रेलिया संघ पूर्ण ताकदीने या मालिकेसाठी उतरणार आहे, कारण ऑस्ट्रेलिया संघातून कर्णधार पॅट कमिन्स, स्टीव्ह स्मिथ, मिचेल स्टार्क, ग्लेन मॅक्सवेल असे खेळाडू दुखापतीनंतर पुनरागमन करताना दिसणार आहेत.
त्यासाठी ऑस्ट्रेलियन संघातील खेळाडूंनी मोहालीत नेट्समध्ये घाम गाळला आहे. त्यांचे फोटोही व्हायरल झाले आहेत.
या मालिकेतील तिन्ही वनडे सामने 22, 24 आणि 27 सप्टेंबर रोजी खेळवले जाणार असून अनुक्रमे मोहाली, इंदूर आणि राजकोट येथे होणार आहे.
हे तिन्ही सामने भारतीय प्रमाणवेळेनुसार दुपारी 1.30 वाजता सुरू होणार आहेत.