Pranali Kodre
भारताविरुद्ध नागपूरला झालेल्या कसोटी सामन्यात ऑस्ट्रेलियाचा टॉड मर्फी चमकला.
मर्फीने या सामन्यात भारताच्या पहिल्या डावात 47 षटके गोलंदाजी करताना 124 धावा देताना 7 विकेट्स घेतल्या.
विशेष म्हणजे मर्फीने या सामन्यातून ऑस्ट्रेलियाकडून पदार्पणही केले आहे, त्यामुळे हा त्याचा पहिलाच कसोटी सामना होता.
त्यामुळे तो कसोटी पदार्पणातच ऑस्ट्रेलियाकडून एका डावात 7 किंवा त्यापेक्षा अधिक विकेट्स घेणारा पाचवा गोलंदाज आहे.
त्याच्यापूर्वी ऑस्ट्रेलियाकडून अल्बर्ट ट्रॉट (8/43), बॉब मासी (8/53, 8/84), जेसन क्रेझा (8/215), आणि थॉमस केंडल (7/55) यांनी अशी कामगिरी केली आहे.
22 वर्षीय मर्फीसाठी भारताचा केएल राहुल कसोटी कारकिर्दीतील पहिली विकेट ठरला.
मर्फीने भारताच्या केएल राहुल व्यतिरिक्त, आर अश्विन, चेतेश्वर पुजारा, विराट कोहली, रविंद्र जडेजा, श्रीकर भारत आणि मोहम्मद शमी यांना बाद केले.
मर्फीने यापूर्वी ऑस्ट्रेलियाच्या 19 वर्षांखालील संघाचेही प्रतिनिधित्व केले आहे.