Pranali Kodre
आशिया चषक स्पर्धा 30 ऑगस्टपासून खेळली जात असून 6 सप्टेंबर ते 15 सप्टेंबर दरम्यान सुपर फोरची फेरी खेळली जाणार आहे.
भारताचा सुपर फोरचा पहिला सामना पाकिस्तानविरुद्ध 10 सप्टेंबर रोजी होणार आहे.
या फेरीआधी भारतीय संघातील खेळाडूंनी नेट्समध्ये आणि जिममध्ये चांगलाच घाम गाळला आहे.
बीसीसीआयने भारतीय संघाच्या सराव सत्रातील अनेक फोटो सोशल मीडियावर शेअर केले आहेत.
दरम्यन, सुपर फोरमधील सामने कोलंबोमध्ये होत आहेत, येथे सध्या पावसाचे वातावरण असल्याने भारताने अशावेळी इनडोअर सराव केला.
सुपर फोरआधी भारतीय संघात केएल राहुलही जोडला गेला आहे. त्यामुळे तो दुखापतीतून सावरल्यानंतर पहिल्यांदाच खेळताना दिसू शकतो.
भारतीय संघाला सुपर फोर फेरीत पाकिस्तानविरुद्धच्या सामन्यानंतर 12 सप्टेंबर रोजी श्रीलंकेविरुद्ध सामना खेळायचा आहे, तर 15 सप्टेंबर रोजी बांगलादेशविरुद्ध खेळायचे आहे.
सुपर फोर फेरीत अव्वल दोन क्रमांक मिळवणारे संघ 17 सप्टेंबर रोजी अंतिम सामना खेळणार आहेत.