Pranali Kodre
आयपीएल 2022 स्पर्धेत 22 एप्रिलला पंजाब किंग्स विरुद्ध मुंबई इंडियन्स संघात वानखेडे स्टेडियमवर सामना झाला.
या सामन्यात पंजाब किंग्स फलंदाजी करत असताना 16 व्या षटकात अर्जुन तेंडुलकरने गोलंदाजी करताना तब्बल 31 धावा खर्च केल्या.
त्याने या सामन्यात हे षटक टाकण्यापूर्वी सुरुवातीला 2 षटके गोलंदाजी करताना एका विकेटसह 17 धावा दिल्या होत्या.
पण त्याने टाकलेले 16 वे षटक 31 धावांमुळे चांगलेच महागात पडले. मुंबई इंडियन्सच्या गोलंदाजाने गोलंदाजी केलेले हे दुसऱ्या क्रमांकाच सर्वात महागडे षटक ठरले.
मुंबई इंडियन्सकडून गोलंदाजी करताना एका षटकात सर्वाधिक धावा देण्याचा विक्रम डॅनिएल सॅम्सच्या नावावर असून त्याने 2022 मध्ये पुण्यात कोलकाता नाईट रायडर्स विरुद्ध गोलंदाजी करताना एका षटकात 35 धावा दिल्या होत्या.
या यादीत दुसऱ्या क्रमांकावर अर्जुन असून तिसऱ्या क्रमांकावर पवन सुयाल आहे. त्याने 2014 मध्ये रॉयल चॅलेंजर्स बेंगलोरविरुद्ध एका षटकात 28 धावा दिलेल्या.
तसेच अल्झारी जोसेफ यानेही 2019 आयपीएलमध्ये मुंबई इंडियन्सकडून गोलंदाजी करताना राजस्थान रॉयल्सविरुद्ध एका षटकात 28 धावा दिल्या होत्या.
मिचेल मॅक्लेघननेही पंजाब किंग्सविरुद्धच 2017 आयपीएलमध्ये मुंबई इंडियन्सकडून गोलंदाजी करताना एका षटकात 28 धावा खर्च केल्या होत्या.