Pramod Yadav
गोवा, कर्नाटक व महाराष्ट्राच्या सांस्कृतिक व धार्मिक अनुबंधाचे प्रतिक असलेली प्रसिद्ध श्री माऊली देवीच्या भेटीचा अलौकिक सोहळा पार पडला.
परंपरेप्रमाणे ही जत्रा बारा वर्षांनंतर होत असते. मात्र, गेली दोन वर्षे कोरोनाचे संकट असल्याने यंदा तब्बल 14 वर्षांनी ही जत्रा संपन्न झाली.
श्री माऊली देवी जत्रोत्सव हा गोवा, महाराष्ट्र व कर्नाटक राज्यांचे एकमेकांशी असलेली सांस्कृतिक तसेच अनुबंध दर्शवितो.
आख्यायिकेनुसार, सात माऊली देवींच्या बहिणींच्या भेटीचा सोहळा दर बारा वर्षांनी होतो.
बारा वर्षांनी गुरू जेव्हा मकर राशीत येतो, त्यावेळी कणकुंबी व चिगुळे येथील श्री माऊली देवीच्या तीर्थकुंडातील पाणी एक ते दोन फूट वर येते.
त्यावेळी ते पाणी पांढरे शुभ्र दुधाप्रमाणे होते. या पर्वणीला गंगा भगीरथी अवतरली, असे समजून बारा वर्षांनी या सर्व भगिनींच्या म्हणजे माऊलींच्या भेटीचा सोहळा रंगतो.
देशभरातील भक्तांनी हा दैदिप्यमान सोहळा पाहणीसाठी अलोट गर्दी केली होती.