Pranali Kodre
इंग्लंडचा दिग्गज वेगवान गोलंदाज स्टुअर्ट ब्रॉडने 29 जुलैला क्रिकेटमधून निवृत्ती घेण्याचा निर्णय जाहीर केला.
त्यामुळे ऍशेस 2023 मालिकेतील द ओव्हल मैदानावर झालेला पाचवा कसोटी सामना ब्रॉडचा कारकिर्दीतील अखेरचा सामना ठरला.
ब्रॉडच्या निवृत्तीमुळे त्याची जेम्स अँडरसनबरोबरची जोडगोळी तुटली आहे.
ब्रॉड आणि अँडरसन ही इंग्लंडचीच नाही, तर कसोटी क्रिकेटच्या इतिहासातील सर्वात यशस्वी गोलंदाजांची जोडी आहे.
ब्रॉड आणि अँडरसन यांनी एकत्र खेळताना सर्वाधिक कसोटी विकेट्स घेतल्या आहेत.
या दोघांनी 138 कसोटी सामने एकत्र खेळताना 1037 विकेट्स घेतल्या आहेत. यामध्ये अँडरसनने 537 आणि ब्रॉडने 500 विकेट्स घेतल्या आहेत (आकडेवारी 29 जुलै 2023 पर्यंत).
कसोटीत एकत्र सर्वाधिक सामने खेळणाऱ्या जोड्यांमध्येही ब्रॉड आणि अँडरसनची जोडी 138 कसोटी सामन्यांसह दुसऱ्या क्रमांकावर आहे.
या यादीत अव्वल क्रमांकावर 146 कसोटी सामन्यांसह सचिन तेंडुलकर आणि राहुल द्रविड यांची जोडी आहे.