Akshata Chhatre
आपण नेहमी केसांसाठी महागड्या प्रॉडक्ट्सच्या मागे धावतो, पण निसर्गात इतके सोपे आणि स्वस्त उपाय दडलेले आहेत की त्याकडे आपण सहज दुर्लक्ष करतो.
त्यापैकीच एक उपाय म्हणजे तांदळाचं पाणी. एखादं जेवण शिजवताना आपण सहज धुऊन टाकलेलं हे पाणी, प्रत्यक्षात केस आणि त्वचेच्या सौंदर्यासाठी अमृतासारखं काम करतं.
तांदळाच्या पाण्यात नैसर्गिक अमिनो ॲसिड्स, व्हिटॅमिन बी, व्हिटॅमिन ई आणि अँटीऑक्सिडंट्स भरपूर प्रमाणात असतात.
हे घटक केसांना मुळापासून बळकट करतात आणि तुटणे कमी करतात. तसेच, अँटीऑक्सिडंट्समुळे केस धूळ, प्रदूषण किंवा उन्हासारख्या पर्यावरणीय त्रासांपासून सुरक्षित राहतात.
आठवड्यातून एकदा केसांना शॅम्पू केल्यानंतर केसांच्या मुळाशी हलकं स्प्रे करावं.
बोटांच्या टोकांनी हलका मसाज करावा, जेणेकरून ते टाळूत चांगले मुरेल.
तांदळाचं पाणी उपयोगी आहेच, पण त्यासोबत हळद, आळं, कोरफड जेल किंवा मेथी पाणी वापरल्यास परिणाम दुप्पट होतो.