Akshay Nirmale
काही प्रसारमाध्यमांनी दिलेल्या वृत्तानुसार दाक्षिणात्य अभिनेत्री समंथा (Samantha) राजकारणात प्रवेश करणार आहे. त्यामुळे हा चर्चेचा विषय झाला आहे.
तेलंगणाचे मुख्यमंत्री के. चंद्रशेखर राव यांच्या भारत राष्ट्र समिती या पक्षात समंथा प्रवेश करणार असल्याच्या चर्चा आहेत.
भारत राष्ट्र समितीच्या विविध अभियानांमध्ये अधिकृतरित्या सहभागी होण्याबाबत समंथा विचार करत आहे, असे समजते.
अद्याप याबाबत समंथाकडून कोणतेही अधिकृत वक्तव्य करण्यात आलेले नाही. तसेच भारत राष्ट्र समितीकडूनही काहीही अधिकृत वक्तव्य आलेले नाही.
समंथाला मायोसिटिस हा दुर्मिळ आजार असल्याचे समोर आल्यापासून तिने आरोग्यावर लक्ष केंद्रित केले आहे. त्यासाठी तिने चित्रपटांपासूही ब्रेक घेतला होता.
समंथाने दक्षिणेतील अनेक चित्रपटात भूमिका केल्यानंतर फॅमिली मॅन २ मधून ती हिंदीत आली.
अभिनेता पती नागा चैतन्य याच्यापासून घटस्फोट घेतला, त्यामुळे ती चर्चेत आली होती. सध्या तीचा विजय देवरकोंडासमवेत कुशी हा चित्रपट रीलीज झाला आहे.