Pranali Kodre
आयपीएल 2023 स्पर्धेत 3 मे रोजी झालेल्या सामन्यात मुंबई इंडियन्सने पंजाब किंग्सचा 6 विकेट्सने पराभव केला.
या सामन्यात पंजाबने 20 षटकात 3 बाद 214 धावा करता केल्या होत्या, ज्यानंतर मुंबईने 215 धावांचे आव्हान 18.5 षटकात 4 विकेट्स गमावत 216 धावा करत सहज पूर्ण केले
त्यामुळे या सामन्यात 200 आकड्याचा खास योगायोग पाहायला मिळाला.
हा रोहित शर्माचा मुंबई इंडियन्ससाठी 200 वा सामना होता.
रोहित कायरन पोलार्डनंतर मुंबई इंडियन्ससाठी 200 सामने खेळणारा दुसराच खेळाडू ठरला. पोलार्डने 211 सामने मुंबई इंडियन्ससाठी खेळले आहेत.
तसेच या सामन्यादरम्यान पंजाब किंग्स पहिलाच संघ ठरला, ज्यांनी सलग चार सामन्यांमध्ये 200 धावांचा टप्पा ओलांडला.
पंजाबने मुंबईविरुद्धच्या सामन्यापूर्वीच्या तिन्ही सामन्यांमध्येही 200 धावांचा टप्पा ओलांडला होता.
याशिवाय मुंबई इंडियन्स असा पहिलाच संघ ठरला ज्यांच्याविरुद्ध प्रतिस्पर्धी संघाने सलग चौथ्यांदा 200 धावा केल्या.
मुंबईने 3 मे च्या सामन्यापूर्वी खेळलेल्या शेवटच्या तीन सामन्यातही त्यांच्याविरुद्ध प्रतिस्पर्धी संघांनी 200 धावा पार केल्या होत्या.