Sameer Amunekar
रुटीनच्या पहिल्या दिवशी खोबरेल तेल किंवा बदाम तेल थोडे कोमट करून टाळूवर हलक्या हाताने मसाज करा. यामुळे रक्ताभिसरण सुधारते आणि केसांच्या मुळांना पोषण मिळते.
दुसऱ्या दिवशी केस धुताना सौम्य किंवा हर्बल शॅम्पूचा वापर करा. शक्य असल्यास रिठा आणि शिकेकाईचे पाणी वापरा. यामुळे टाळूवरील घाण स्वच्छ होऊन केस मऊ होतात.
तिसऱ्या किंवा चौथ्या दिवशी घरी बनवलेला हेअर मास्क लावा. अंडी, दही किंवा मेथी दाण्यांची पेस्ट केसांच्या आरोग्यासाठी उत्तम असते. हे मास्क केसांना आवश्यक प्रोटीन पुरवतात, ज्यामुळे केस तुटणे थांबते.
केस गळतीचे मुख्य कारण टाळूवरील कोंडा किंवा इन्फेक्शन असू शकते. यासाठी लिंबाचा रस किंवा कोरफड जेलचा वापर करा. यामुळे टाळू स्वच्छ राहते आणि नवीन केस येण्यास मदत होते.
केसांची वाढ केवळ बाहेरून होत नाही, तर आतूनही पोषण आवश्यक असते. आहारात आवळा, कढीपत्ता, सुका मेवा आणि पालेभाज्यांचा समावेश करा. पुरेसे पाणी प्यायल्याने केसांचा नैसर्गिक ओलावा टिकून राहतो.
ओले केस कधीही विंचरू नका. लाकडी कंगवा वापरल्याने केसांमधील 'स्टॅटिक इलेक्ट्रिसिटी' कमी होते आणि केस गळण्याचे प्रमाण घटते. दिवसातून किमान दोनदा केस विंचरल्याने टाळू उत्तेजित होते.
केस गळतीचे सर्वात मोठे कारण म्हणजे स्ट्रेस. ७ व्या दिवशी पुरेशी झोप घ्या आणि योगासने करा. मन शांत राहिल्याने हार्मोन्स संतुलित राहतात, ज्याचा थेट सकारात्मक परिणाम केसांच्या वाढीवर होतो.