Manish Jadhav
थंडीच्या दिवसात संत्री (Orange) बाजारात मोठ्या प्रमाणात उपलब्ध असतात. दररोज एक संत्री खाणे हे केवळ चवीसाठीच नाही, तर आरोग्यासाठीही खूप फायदेशीर आहे.
संत्र्यामध्ये 'व्हिटॅमिन सी' भरपूर असते. दररोज एक संत्री खाल्ल्याने रोगप्रतिकारशक्ती वाढते आणि थंडीत होणारे सर्दी, खोकला यांसारख्या संसर्गापासून बचाव होतो.
व्हिटॅमिन सी हे त्वचेसाठी एक नैसर्गिक अँटीऑक्सिडंट म्हणून काम करते. यामुळे त्वचेचे आरोग्य सुधारते, सुरकुत्या कमी होतात आणि त्वचा तजेलदार व चमकदार बनण्यास मदत मिळते.
संत्र्यात फायबर (Fibre)चे प्रमाण चांगले असते. दररोज संत्री खाल्ल्याने पचनक्रिया सुधारते, गॅस आणि बद्धकोष्ठतेची समस्या दूर होते.
संत्र्यामध्ये व्हिटॅमिन ए आणि कॅरोटीनॉइड्स असतात. हे घटक डोळ्यांचे आरोग्य जपण्यासाठी आणि दृष्टी सुधारण्यासाठी महत्त्वपूर्ण ठरतात.
संत्र्यामध्ये पोटॅशियम मोठ्या प्रमाणात असते. पोटॅशियम रक्तवाहिन्या शिथिल ठेवून उच्च रक्तदाब नियंत्रणात ठेवण्यास मदत करते.
संत्री हे कमी कॅलरीज आणि उच्च फायबर असलेले फळ आहे. ते खाल्ल्याने पोट भरल्यासारखे वाटते आणि अनावश्यक खाणे टाळले जाते, ज्यामुळे वजन नियंत्रणात राहते.