Pramod Yadav
गोव्यात होणाऱ्या राष्ट्रीय क्रीडा स्पर्धेची मशाल दोना पावला येथील राजभवनाच्या दरबार हॉलमध्ये शुक्रवारी प्रज्वलित करण्यात आली.
त्यानंतर आज (शनिवारी) ही मशाल गोवा राज्यासह देशाच्या भ्रमंतीवर निघाली आहे.
क्रीडामंत्री गोविंद गावडे यांनीच राजभवनातून मशाल बाहेर काढत पुढील प्रवासाला मार्गस्थ केली.
पुढे शाळकरी मुलांच्या हातात ही मशाल देण्यात आली.
पंतप्रधान नरेंद्र मोदी यांच्या उपलब्धतेनुसार स्पर्धेचे येत्या २५ अथवा २६ ऑक्टोबरला उद्घाटन होणार असून समारोप ९ नोव्हेंबरला होईल.
गोव्याच्या शब्दकोशात अशक्य हा शब्दच नाही. आपण सारे मिळून ३७वी राष्ट्रीय क्रीडा स्पर्धा यशस्वी ठरवूया. असे राज्यपाल पिल्लई म्हणाले.
मुख्यमंत्री डॉ. प्रमोद सावंत यांनी देशाच्या स्वातंत्र्याच्या अमृत काळात होत असलेली ३७वी राष्ट्रीय क्रीडा स्पर्धा यादगार ठरेल, असा विश्वास व्यक्त केला.