मारणा-शिवोली जवळील दांडो-उड्डो समुद्रकिनाऱ्यावर चोरीचा प्रयत्न करणाऱ्या दोन महिलांना स्थानिक नागरिकांनी रंगेहात पकडून चांगलेच धडा शिकवला. चोरीचा हा प्रकार उघडकीस येताच परिसरातील लोकांनी या महिलांना पकडले आणि संतप्त जमावाने त्यांना एका झाडाला दोरीने बांधून ठेवले. या घटनेमुळे परिसरात मोठा गोंधळ निर्माण झाला होता.

चोरीचा प्रयत्न करणाऱ्या या महिलांना पकडल्यानंतर, स्थानिक नागरिकांनी तातडीने पोलिसांना संपर्क साधला. माहिती मिळताच पोलीस कर्मचारी आणि हणजूण पोलीस ठाण्याचे कर्मचारी तात्काळ घटनास्थळी दाखल झाले. पोलिसांनी जमावाला शांत करत, दोरीने बांधलेल्या या दोन्ही महिलांना ताब्यात घेतले आणि पुढील कारवाईसाठी पोलीस स्टेशनला आणले.