राज्यात सध्या पावसानं जोर धरला असून अनेक भागांत संततधार सुरू आहे. उत्तर गोव्यातील सत्तरी तालुका आणि त्यातील सोनाळ परिसरात पावसामुळे जनजीवन विस्कळीत झालं आहे. मुसळधार पावसामुळे सोनाळ आणि सत्तरीतील अनेक रस्ते पाण्याखाली गेले आहेत. त्यामुळे शाळा, महाविद्यालयात जाणाऱ्या विद्यार्थ्यांना तसेच कार्यालयांमध्ये जाणाऱ्या नागरिकांना मोठ्या अडचणींना सामोरं जावं लागत आहे.

विशेषतः सोनाळ गावातील मुख्य मार्गावर दरवर्षी प्रमाणे यंदाही पाण्याचा मोठा साचलेला आहे. स्थानिक प्रशासनाकडे वारंवार मागणी करूनही या समस्येकडे दुर्लक्षच होत आहे, अशी स्थानिकांची तक्रार आहे. विद्यार्थ्यांना शाळेत पोहोचण्यासाठी पावसाच्या पाण्यातून वाट काढावी लागत आहे, तर अनेक वाहनधारकांना देखील या रस्त्यांवरून प्रवास करताना अडचणींना सामोरे जावे लागत आहे.

सततच्या पावसामुळे परिसरातील नद्या आणि ओढे दुथडी भरून वाहत आहेत. काही ठिकाणी रस्त्यांवर पाणी साचल्यामुळे वाहतूक पूर्णपणे ठप्प झाली आहे.