राज्यात गेल्या काही दिवसांपासून बेकायदेशीर बांधकामे जमीनदोस्त केली जात आहे. ठिकठिकाणी पंचायतींकडून धडक कारवाई केली जात आहे. यातच आता कळंगुटमध्ये बेकायदेशीर बांधकामे पाडण्यात आली. पोलिस बंदोबस्तात पालिकेने ही कारवाई केली. दुसरीकडे, खोब्रावाडा-कळंगुट येथे भाटकाराच्या जमिनीत बेकायदा उभारलेल्या तीन पक्क्या खोल्या बुधवारी दुपारी पंचायत मंडळाने पोलिस बंदोबस्तात जमीनदोस्त केल्या. यावेळी बार्देश तालुक्याचे मामलेदार, गटविकास अधिकारी तसेच स्थानिक पंचायत मंडळाचे सदस्य उपस्थित होते.